عبدالقيوم ميراڻي، پروفيسر، ڊاڪٽر: مشهور عالم پروفيسر ڊاڪٽر مولانا عبدالقيوم ولد عبدالغفور ميراڻيءَ جو تعلق ڳوٺ مير واحد بخش بجاراڻي، تعلقي ڪنڌڪوٽ سان آهي. ابتدائي تعليم مدرسي دارا الفيوض ڪنڌڪوٽ مان، درس نظامي، دوره حديث ۽ مفتيءَ جو ڪورس معتمد العلوم اسلاميه بنوري ٽائون ڪراچيءَ مان پڙهي فارغ التحصيل ٿيو، جنهن بعد هن مديني منوره جي جامع اسلاميه ۾ داخلا ورتي. جتان شعبه قرات ۾ ڊگري ورتي ۽ جامعه ام القدي يونيورسٽي مڪي ۾ ليڪچرار مقرر ٿيو. سنڌ يونيورسٽيءَ مان علامه غلام مصطفيٰ قاسمي جي نگراني ۾ پي. ايڇ. ڊي ڪيائين. عبدالقيوم ميراڻي پنهنجون ديني خدمتون مڪي شريف ۾ ڏئي سنڌ جو نالو روشن ڪري رهيو آهي. هيءَ ترقي ماڻي يونيورسٽيءَ ۾ پروفيسر مقرر ٿيو. جنهن عهدي تي اڃا پنهنجون خدمتون سر انجام ڏئي رهيو آهي.